Aparıcı Aytən Səfərova barəsində CİNAYƏT İŞİ BAŞLANILDI
11 saat əvvəlİcra başçısının oğlu Moskvada bina tikintisi BİZNESİNƏ BAŞLADI - FOTOFAKT
16 May 2022
Baxış: 587
Mingəçevir şəhəri və Zərdab rayonun keçmiş icra başçısı (2005-2019) Lütvəli Babayevin oğlu Babəli Babazadə Azərbaycandakı biznesini Rusiyaya köçürüb.
AJMEDİA.İNFO xəbər verir ki, bu barədə araşdırmaçı jurnalist Cavanşir Həsənli məlumat yayıb.
Məlumata görə, Babəli Babazadə Moskvada "Liqa-Stroy" Məhdud Məsuliyyətli Cəmiyyətini (OOO LİQA-STROY) təsis edib. Qanuni təmsilçisi Rusiya vətəndaşı Kirill Ayvenqoviç adlı şəxs olan şirkətin nizamnamə kapitalı 100 min rubldur. "Liqa-Stroy" Rusiya paytaxtında binaların inşası üçün lisenziya alıb.
Lütvəli Babayevin oğlu atası Zərdab rayon icra hakimiyyətinin başçısı vəzifəsində çalışarkən Azərbaycanda "BLB" MƏHDUD MƏSULİYYƏTLİ CƏMİYYƏTİNİ (açması Babəli Lütvəli Babazadə) təsis etmişdi.
Keçmiş icra başçısının ailəsinə məxsus daha bir şirkət - "TOP POİNT" Lütvəli Babayevin ailə üzvlərindən biri Rübabə Babayevaya məxsusdur. Hər iki MMC akademik Mirəli Qaşqay küçəsi ev 63A, mənzil 26 ünvanında hüquqi qeydiyyatdadır.
