Ermənistanda son sutkada 425 nəfər COVID-19-a yoluxub, 8 nəfər ölüb

Ermənistanda son sutka ərzində daha 425 nəfər yeni növ koronavirus infeksiyasına (COVID-19) yoluxub.

AJM-nın “Sputnik Armenia”ya istinadən verdiyi məlumata görə, bununla da ölkədə koronavirusa yoluxanların sayı 17 489 nəfərə çatıb.

Son sutka ərzində koronavirusa yoluxan 8 nəfər ölüb və bununla da virusa yoluxma nəticəsində ölənlərin sayı 293 nəfər olub.

Xəstəlikdən sağalanların sayı 10 529 nəfərdir.