24 İyun 2021

Azerbaijan, Baku

25°C/32°CTemperatur °C
Atmosfer hadisələri

Atmosfer hadisələri

Dubay aeroportu fəaliyyətini bərpa edib

Dubay aeroportu fəaliyyətini bərpa edib

22 May 2020
Baxış: 134

Birləşmiş Ərəb Əmirliklərinin “Emirates” aviaşirkətinin beynəlxalq uçuşlara başlaması ilə əlaqədar mayın 22-də fəaliyyətə başlayan Dubay aeroportu sərnişinlərə müraciət edib.

AJM xəbər verir ki, aeroport rəhbərliyinin bəyanatında sərnişinlərin Dubay Beynəlxalq Aeroportunun 3 nömrəli terminalında qəbul ediləcəyi bildirilir. Sərnişinlər COVID-19 virusuna qarşı zəruri tibbi yoxlamadan keçmək üçün uçuşdan dörd saat əvvəl hava limanına gəlməlidirlər. Bu vaxtdan öncə gələn sərnişinlər sıxlıq yaranmaması üçün terminala buraxılmayacaq. Bundan başqa, xüsusi qoruyucu tibbi vasitələri olmayanlar da binaya daxil ola bilməyəcəklər. Aeroportda sosial məsafə qaydalarına ciddi riayət olunacaq.

Məlumatda deyilir ki, aeroport binasında kafe, restoran və mağazaların fəaliyyəti də bərpa edilib.