Bu ərəb ölkəsinin kralı İsrailli nazirlərlə görüşdüyünü TƏSDİQLƏDİ

İordaniya Kralı II Abdullah İsrail Baş naziri Naftali Bennett və müdafiə naziri Benni Qantzla görüşdüyünü təsdiqləyib.

AJMEDİA.İNFO xəbər verir ki, bu barədə II Abdullah özü CNN-ə məlumat verib.

"Bu görüşlərdən çox həvəslə çıxdım. İnanıram ki, son iki həftə ərzində yalnız İsrail ilə İordaniya arasındakı qarşılıqlı anlaşmadan əlavə, İsrail-Fələstin məsələsində də irəli doğru addım atacağıq", - II Abdullah vurğulayıb.

Qeyd edək ki, daha öncə "Valla" qəzeti İsrail Baş naziri Naftali Bennett və İordaniya Kralı II Abdullahın Əmmanda gizli görüş keçirdiyini iddia etmişdi.